Fáilte | Willkommen | Welcome

Tá breis agus 300 bliain ann ó bunaíodh an Eaglais Liútarach in Éirinn don chéaduair. Tá cónaí ar ár gcuid ball in áiteanna éagsúla ar fud na tíre, i bPoblacht na hÉireann agus i dTuaisceart Éireann. Is í Eaglais Naomh Finnian i gcroílár Bhaile Átha Cliath ár bpríomhionad eaglasta. Cuid mhór de bhaill na hEaglaise, is cainteoirí Gearmáinise iad – ach deineann na seirbhísí Béarla a chuirimid ar fáil freastal spioradálta ar Chríostaithe Liútaracha agus ar Chríostaithe Protastúnacha ó gach cearn den domhan. Is maith linn go bhfuil tú tar éis sinn a bhaint amach!